سبحان ربك كيف خلقك وسواك @ يا بو عيون سوده وكحيله
كامل والكامل الله ربي يعلاك @ يا منيه القلب ونوره والوسيله
انته كل الخير جعل قلبي يفداك @ يا خالي من العيوب ومن الرذيله
ودي تبقى ولو اني ما اسواك @ ودي تنصاب بالهم واجي عنك واشيله
يا نضير العين قرب والقلب يهواك @ يا مخصر يا مسطر يابو قوام نحيله
اطلب من الله اني ابقى في رضاك @ يا عسا تفهم شعوري وتقبل جميله
يا من طلبتك بقلبي وفي عيني رجاك @ يا من سهرني الدهر ليله ورا ليله
القلب عيا يبقى معلق في سماك @ ولو ان النفس مرتاحه وودها تطيله
بس ودي أذوق طعم الحب وياك @ يا منا الروح ويا قلبي ويا عديله
ماتت الارض واعلنت في حبها ضماك @ لين اطلبت غيثك من الله ورا سيله
(( هذا انا يا ذا الملك انا اليوم مولاك @ فالامر امرك يا ذا الحكمه الجليله))
يا شمعه الحب من ترا عانك وطفاك @ والمفروض تبقى لأوقات طويله
يعني نورك الحين بالظلام يجزاك @ ولا افعل خير تلقى شر بديله
تبي تعرف يا جميل الوصف لولاك @ ما بعيش فالدنيا الا ثواني قليله
ما اقول غير تبقى حبيبي بمثواك @ ولو قلبي هوى غيرك والله لشيله
الأربعاء سبتمبر 19, 2007 11:57 am
