هب البـراد ووجهتـه مـن شمالـي
وجتنا علوم الحيا بالصوت والصـوره
قم شغل الجيب تكفى يـا بعـد حالـي
نبي لنا ديـرة (ن) بالسيـل مذكـوره
النفس ملت مـن الجـدران وظلالـي
نبي السعة عن محيط الدار وقصـوره
doPoem(0)
بالبيت كني سجيـن وجالـس لحالـي
حتى النظر لو نمـده حاجبـه سـوره
نبي الوناسة معك يـا طيـب الفالـي
نأخـذ لنـا بالفيافـي والفضـاء دوره
في ديرة(ن) مابها جـوال وإرسالـي
مرتاح بالـك بـلا صجـه وفاتـوره
نبي لنا فيضـة (ن) وشعيبهـا سالـي
تنطحك ريحة نفلها بأجمـل عطـوره
نقضي بها ليلة (ن) مع خـوة عيالـي
الكل منهم حكيم وصايـب (ن) شـوره
النار شبت وصفـت حولهـا دلالـي
وفراشنـا حولهـا والنفـس مسـروره
أخفنـا للنشامـا صــب فنجـالـي
فنجـال بنـن يـرد الفكـر لشعـوره
ثم السوالف تجي مـا فيهـن هزالـي
ليل القصص والقصايـد ولعـو نـوره
هذي حلاة الوناسة بالخـلاء الخالـي
الروض الأخضر وريح العشب وزهوره
الإثنين سبتمبر 03, 2007 8:54 am
